बाहुं सहस्स मभिनिम्मित सायुधन्तं,
गिरिमेखलं उदित घोर-ससेन-मारं ।
दानादि धम्मविधिना जितवा मुनिन्दो,
तं तेजसा भवतु ते जयमंगलानि ।।१।।

मारातिरेक-मभियुज्झित-सब्बरत्तीं,
घोरम्पनाल वक मक्ख मथद्ध यक्खं ।
खान्ति सुदन्तविधिना जितवा मुनिन्दो,
तं तेजसा भवतु ते जयमंगलानि ।।२।।

नालागिरि गजवरं अतिमत्तभूतं,
दावग्गिचक्कमसनीव सुदारूणन्तं ।
मेत्तम्बुसेक विधिना जितवा मुनिन्दो,
तं तेजसा भवतु ते जयमंगलानि ।।३।।

उक्खित्त खग्ग-मतिहत्थ सुदारूणन्तं,
धावं तियोजनपथङ्गुलि-मालवन्तं ।
इद्धीभिसङ्खत मनो जितवा मुनिन्दो,
तं तेजसा भवतु ते जयमंगलानि ।।४।।

कत्वान कट्ठमुदरं इव गब्भिनीया,
चिञ्चाय दुट्ठवचनं जनकायमज्झे ।
सन्तेन सोमविधिना जितवा मुनिन्दो,
तं तेजसा भवतु ते जयमंगलानि ।।५।।

सच्चं विहाय मतिसच्चकवादकेतुं,
वादाभिरोपितमनं अतिअन्धभूतं ।
पञ्ञापदीपजलितो जितवा मुनिन्दो,
तं तेजसा भवतु ते जयमंगलानि ।।६।।

नन्दोपनन्द भुजगं विबुधं महिद्धिं,
पुत्तेन थेरभुजगेन दमापयन्तो ।
इद्धूपदेसविधिना जितवा मुनिन्दो,
तं तेजसा भवतु ते जयमंगलानि ।।७।।

दुग्गाहादिट्ठिभुजगेन सुदट्ठहत्थं,
ब्रह्मं विसुद्धि जुतिमिद्धि बकाभिधानं ।
ञाणागदेन विधिना जितवा मुनिन्दो,
तं तेजसा भवतु ते जयमंगलानि ।।८।।